Gure ikastetxean BIDELAGUNA programaren bidez aniztasunari erantzuna emateko antolaketaren oinarrietako bat izatea da gure nahia; programa honek espazio eta denbora konkretu bat ahalbideratzen dio ikasleari arlo desberdinetan hobetu ahal izateko:
- Eskolako lanak egitea eta geroko eduki batzuk prestatzea.
- Lanarekiko autonomia.
- Oinarrizko ikasketa teknikak ikastea.
- Lan orduen programazioa.
- Eskolan izan ditzakeen gatazkak behar bezala konpontzea.
Bestalde, programa honi esker irakasleriak informazio osagarria jasotzen du eta klasean jasotako informazioarekin egiaztatu dezake programan sartuta dauden ikasleak egindako lanari buruzko informazioa.
Programa hau LHko hirugarren zikloan ematen da, 5. eta 6. mailatan. Programa honetan ikasteko zailtasunak dituzten ikasleez gain, ikasteko zailtasunak izan gabe baina eskolako lanak egiteko laguntza behar dutenak ere sartzen dira.
Familien inplikazioa ezinbestekoa da. Familiek ikusi eta sinetsi behar dute beraien seme-alabek aukerak dituztela beraien emaitza akademikoak hobetzeko eta oinarrizko titulua lortzeko. Beraien laguntza zentzu honetan premiazkoa da ikasleentzat.